زهير جمعة ، رأيه بعميد الكلية ، أقرب زميل له والمزيييد في برنامج ( بصراحة )

- ما هو رأيه بعميد الكلية ونائبه ؟

- من أقرب شخص له في الكلية ؟

- بين الأم والأب .. مين بيختار ؟

والمزييد ..

الصراحة دايماً مهمة لتقدر تتخذ صديق ، حبيب ، زميل عمل .. الخ ، والعلاقة اللي عُنوان كتابها مو الصراحة ، صعب جداً تمشي بناءً على مُجرد كذب وخداع .

فقرة خاصة حتكون ضمن إطار موقعنا ونشاط السنة السادسة هي ( بصراحة ) واللي رح تكون بين الحين والآخر وتستضيف طُلاب من دفعتنا ، نتعرف عليهم أكثر ونسالهم أسئلة دون قيود .

ضيفنا بالحلقة الأولى من فئة الوزن الثقيل جسداً ، الوزن الخفيف دماً .. واللي تقريباً له علاقة طيبة مع جميع طلاب الدفعة نظراً لحبه الدائم ليكون بالقرب ومساعدة الجميع .

برنامجنا بصراحة حيكون غالباً مقسم لـ 3 فقرات الأولى رح نطرح فيها أسئلة عامة ع ضيفنا ، الثانية حنخيره بين أمرين ليختار واحد وبالأخير رح يعطينا رأيه بعدد من الأسماء الخاصة في الجامعة ، وهلأ بنبدأ مع استضافة زهير جمعة





● مرحبا زهير ، في مجال تعرفنا عن حالك أكتر ؟
 زهير جمعه ، عمري 26 ، متزوج وعندي ثلاث اولاد ، بدرس بكلية الطب البشري ، الصداقه والاصدقاء شيء له مكانة في قلبي و ما بكره حدا وبحب ساعد الكل .

● ليش اخترت الطب دوناً عن بقية العلوم ؟ محبة أم رغبة الأهل ؟
اخترت الطب لأني بعشقه منذ الصغر ، وهلأ انا مستمتع لأني قربت من تحقيق حلمي
لا ما حدا أجبرني ع دخول الكلية ، دخلت بكامل إرادتي

● هل تمنيت في يوم ما ان تكون بنت ؟ ولماذا ؟
لم أتمنى يوما ان أكون بنت ، فانا بفتخر لكوني رجل ، أمَّا عن السبب : فلأني ما بحب ان ينظر لي شخص ما بأني ضعيف وليس لي دور في المجتمع

● ولا حتى وأنت عم تشتغل بوراق تجنيدك بشعبة التجنيد ؟

لا ، ولا حتى بأصعب المواقف واللحظات

● لو أنك مو متزوج ، شو هي المواصفات اللي بتتمناها ببنت أحلامك ؟

لو انا مو متزوج ، بتمنى تكون زوجتي من نفس البيئه والعادات اللي أنا بعيشها ، على قولة المثل ( الي ما بياخد من ملتو بموت بعلتو ) ، بحبها تكون حلوة وصاحبه أخلاق ولا أنسى الاساس والأهم ذات دين

 ● كم مرة تنازلت عن مبادئك من اجل انثى ؟

مرة واحدة ، وكانت هي الحب الوحيد في حياتي

● لما تحكي مع بنت ما وتطلع معها مشاوير ، هل بتعتبر هالشي خيانة لزوجتك ؟

اكيد ما يعتبروا ، لأنه لا يمكن حدا يقدر ياخد مكان زوجتي

● لو كانت زوجتك تعمل ، هل تقبل لها بصداقات مع شباب ( وليس زمالات ) ؟

لا ، من باب غيرتي عليها وحبي لها وعلى قولة العوام رجل شرقي

● وهل بتظن أنَّ زوجتك مالها حق تغار أو ما بتغار عليك ، ليش بدك لزوجتك شي انت مو قادر عليه ؟

مين قلك اني لا اقبلها على نفسي ، اذا طلبت مني هيك انا مستعد ما يكون عندي صديقات

● مين أقرب 3 طلاب لك في الدفعة ؟

أحمد صياح ، أحمد العبد ، ربى الجهماني

● وأنت في سفينة رح تغرق ، لا يمكن لك إنقاذ سوى شخص من هؤلاء الثلاثة ، من ستختار ؟

ربى الجهماني

● شو أكتر شي ندمان عليه بحياتك ؟

إني حبيت ، هذا الحب سببلي أذيه كبيره والم

● شو هواياتك ( بعيداً عن الجواب تبع صف أول ابتدائي ) ؟

إدخال السعاده إلى قلب أبنائي وأهلي

● 3 إيجابيات بشخصك ، 3 سلبيات

ايجابياتي : ذو قلب طيب متل ما بيقلي أغلب الأصدقاء ، وذو ابتسامه دائمه ، واجتماعي
سلبياتي : لا مبالي ، ودائماً ما أخطئ في تقدير من يحبني ، مزاج متقلب

● هل انت على استعداد لمساعدة زوجتك في الأعمال المنزلية كالمسح ، والطبخ والغسيل حتى لو لم يكن لدى زوجتك أي عذر يمنعها من القيام بهذه الأعمال ؟

اي ، وكثير بساعدها في أعمال المنزل لأني بعتبر سعادتي هي سعادتها ، وبالنهاية هي أم ابنائي وما في شي بيخجل من مساعدتها

● احكيلنا موقف طريف وآخر محرج مريت فيه أيام الدراسة ؟

أطرف موقف صار معي السنه الثالثه كان في محاضره للدكتور فائق البلداوي وهو غني عن التعريف فانا كنت بدي اسألوا سؤال ضمن المحاضرة فسالتوا دون قصد بنفس طريقه حكيوا فكانت النتيجه إني تقلعت برا المحاضره ههههه

وأكثر موقف محرج انو كنت عم سب واحد من الدكاتره واذا هو وراي ومطلع علي وقتها عملت حالي عم دور على شي ومشيت

● كم بنت أُعجبت فيها خلال مسيرتك الجامعية ؟

لم أعجب بأي بنت خلال الحياه الجامعيه لأني لا يوجد لدي قناعه بهذه العلاقات

● كل واحد ع دينه الله يعينه × الدين النصيحة ؟

الدين النصيحة

● الشاي × القهوة

القهوة

● الغربة × الوطن بأي ظرف كان

الوطن بأي ظرف

● النقاش للإقناع × قول له إي ، وضحاك عليه

النقاش للإقناع

● تتزوج اللي بتحبك × تتزوج اللي بتحبها

اتزوج الي بتحبني

● أمك × أبوك

أمك

● أخ أكبر × أخت أكبر

أخ أكبر

● المال × الشهرة

المال

● فرحة وحزن × فرحتين وحزنين

فرحة وحزن

● عاشق × معشوق

معشوق

● التفاؤل الكاذب × التشاؤم الواقعي

التفاؤل الكاذب

● مين أصعب زواج بلا حب × حب بلا زواج

حب بلا زواج

● تعطي هدايا للناس × تنهدى

الثانية

● العلم × الدين

العلم

● د.نذير إبراهيم

د نذير ابراهيم يعجبني حبه للعلم وسعيه الدائم للنجاح وأنه قادر على صنع المستحيل من أجل تحقيق حلمه ولكن لا يعجبني التمييز بين الطلاب بشكل واضح

● د.هشام حمامي

د هشام حمامي افتخر بأنه درسني واحترم فيه اخلاصه في عمله ولكنه دايما مكركب حالو باكتر من شغله

● أحمد صياح

قدوة الصداقه ومثال الاخوه وسلبيته مزاجي

● رافي واصل

صريح وواقعي ولكنه لا يبالي

● ربى الجهماني

انسانه طيوبه وقدوة القلب الطيب ولكنها مترددة دائما

● حسام شهاب

شهم كتير ورجل بمعنى الكلمه ولكنه بايعها ولا مبالي

● مظهر الجاسم

شاب رقيق وطيب ولكنه متقلب المزاج وسريع العصبيهشهم كتير ورجل بمعنى الكلمه ولكنه بايعها ولا مبالي

● جمال حوري

خجول وطيب القلب ولكنه لا يحسن التصرف في كثير من الأحيان

● لين شماع

طيوبه وذات روح شبابيه كتير ولكن كلمه لا مباليه قليله عليها