.
.
قال عنه جمال حوري :" لم أرَ منه سوى ما توسط اسمه " .. فيما قال أحمد صياح الأول علمياً في الكلية :" عاشق للعلم وأفضل مني في هذا المجال " .
زميله مظهر رأى فيه الإنسان الذي لا يتوانى عن تقديم خدمة لك .. واصفاً إيَاه بصاحب القلب الطيب والتعامل الراقي .
اليوم.. برنامج بصراحة يستضيف " محمد خير هيكل " طالب العلم ولو في الصين .. الهادئ والمتميز والذي فتح قلبه بكثير من الإجابات .
فبين أقرب 3 طلاب له مروراً بالسلبية التي يتمنى التخلص منها في شخصيته ؟ قصص الحب التي عاشها ختاماً بآراء موجزة عن زملائه والمشرفين في الجامعة .. نبدأ على بركة الله .
.
.
✿ مرحبا محمد .. اذا قلتلك احكي عن محمد خير هيكل بسطرين ، شو رح تكتب ؟
محمد خير هيكل, عمري 24 سنة, من القيمرية بالشام, خريج مدرسة المحسنية
▂▂▂▂
✿ مين هو القدوة في حياتك دينياً .. وليش ؟
سيدنا علي بن أبي طالب لأنو كلامه في شي من الصوفية, اللي بعشقها
▂▂▂▂
✿ في شي عملته بحياتك وندمان عليه ؟
ما بذكر أي حدث ندمت عليه بحياتي
▂▂▂▂
✿ هل دخلت كلية الطب عن قناعة ؟ وشو السبب اللي دفعك لهذا الإختيار ؟
بصراحة ما كنت متخيل أبداً إني فوت كلية الطب, بس مادة العلوم بالبكلوريا شدتني كتير لهالمجال لهيك دخلتها, فيك تقول أي عن قناعة
▂▂▂▂
✿ خير من الأشخاص اللي ما بيفوتوا محاضرة في الطب ، إلى أي مدى حياة خير مقتصرة على الطب ؟
أنا ما كنت من هاد النوع بأول 3 سنين بدراستي, و بسبب ظروفي و اضطراري لأني اجتاز ال3 سنين الباقية قررت أبذل كل جهدي لأتجاوزهن, بس لقيت هالشي فعلاً بيفيدني و أثر عليي كطبيب و خلاني اكتشف إني فعلاً بحب الطب و مالي ندمان إني "أعتنقته" للحظة
▂▂▂▂
✿ عشت شي قصة حب أثناء الدراسة سواءً المدرسية أو الجامعية ( بعيداً عن قصة الحب اللي أثمرت عن خطوبة ) ؟
طبعاً، عشت أكتر من قصة، 2 منهن متبادلة
▂▂▂▂
✿ 3 أحلام دنوية ؟
كون طبيب متفوق بمعاييري, أعمل شي بحيث كون الولد الصالح اللي يدعو لوالديه حتى لا ينقطع عملهم من الدنيا, و إني كون سبب بتحسين المستوى التعليمي بهالبلد
▂▂▂▂
✿ من هو بيت سرَّك من عائلتك ؟
بيت سرّي بالسابق مافي, حاليّاً خطيبتي
▂▂▂▂
✿ في مرة صارحت بنت بُحبك والجواب كان الرفض ؟
أي صارحت و انرفضت أكتر من مرة▂▂▂▂
✿ البنت بتمشي بملابس خالعة ، الشب ( بيبصبص ) ويُلقي اللوم على البنت اللي سمحت لهالشي يصير بلبسها الخليع .. بينما البنت بتقلك بدل ما تلومني روح غض بصرك ، تعليقك ؟
الموضوع متعلق بالطرفين, في خطأ من هون و خطأ من هون, مافيك تلقي اللوم الكامل على واحد بس
▂▂▂▂
✿ أقرب 3 طلاب لك بالدفعة
أبو وكاع، محمد الوكاع ، و فرطوسي المستقبل
▂▂▂▂
✿ شو هي الصفة اللي بيطلقوها عليك المقربين منك وبتحبها ؟
خيرو أو أبو الخير
▂▂▂▂
✿ يوم بحياتك بتتمنى يرجع سواءً لتعيش الفرحة ذاتها ، أو لتغير قرار اتخذته فيه ؟
يوم اللي انخطف والدي كان بقرار سيء
▂▂▂▂
✿ الخطوبة المبكرة للشباب في فترة الدراسة، مع أم ضد ولماذا ؟
ضد, لأنو الواحد إذا ما كان عبواب تخرج رح يحمل حالو طاقة ربو ما بيردلو ياها
▂▂▂▂
✿ بعد توقفك لسنة ، تغيرت الدفعة عليك ، برأيك أيهم أجمل هالدفعة ولا الدفعة السابقة .. مع مين كنت مبسوط أكتر ؟
انبسطت بهي الدفعة أكتر لأني انخرطت مع الطلاب أكتر, رغم إني بحن للأيام الخوالي
▂▂▂▂
✿ كيف ممكن تتعامل مع قصة حب من طرف واحد بحيث البنت بتحبك وهي جداً محترمة لكن قلبك ما مال لها ؟
بدجها ياها دج, اليوم احسن من بكرا
▂▂▂▂
✿ إلى أي مدى ممكن توافق على قضية التحرر وأنَّه البنت تكون صداقات وتطلع وتجي مع الشباب ؟
لحد أنه الطرفين يلتزمو حدود الأدب مع بعضهن
▂▂▂▂
✿ شو الشي اللي ممكن يخلي عين محمد هيكل تذرف دمعة ؟
دمعتي رخيصة علي يا زلمة
▂▂▂▂
✿ شو هو العيب اللي بتتمنى تتخلص منه بشخصيتك ؟
عدم المثابرة, و فقدان الصبر السريع
▂▂▂▂
✿ بسؤال بعض الأصدقاء المقربين منك .. قيل أنَّ الصفة التي تعيب شخصية هيكل المميزة هي اللسان الطويل .. شو رأيك ؟
▂▂▂▂
✿ محمد قليل الخلطة وتكوين صداقات في الجامعة ، شو السبب ورا هالشي ؟
مو صحيح هالحكي, و بنفس الوقت مو ضروري كون معهن متل ما بكون مع محمد الوكاع مثلاً
.
.
✿ الواقع × الحلم
الواقع
▂▂▂▂
✿ المدرسة × الجامعة ( مين أجمل )
الجامعة
▂▂▂▂
✿ التفاؤل الكاذب × التشاؤم الصادق
التشاؤم الصادق
▂▂▂▂
✿ تحب × تنحب
تنحب
▂▂▂▂
✿ الحزن × الفرح ( ما بتنسى ؟ )
الفرح
▂▂▂▂
✿ القهوة × الشاي
الشاي معطر
▂▂▂▂
✿ العلم × الدين
لا انفصال بينهما
▂▂▂▂
✿ فرحة وحزن × فرحتين وحزنين ( وليش ؟ )
فرحتين و حزنين, نعمة البني ادم النسيان و فهمك كفاية
▂▂▂▂
✿ تضحي من أجل الآخرين × أن يضحي الآخرين لأجلك
أضحي من أجل الآخرين
▂▂▂▂
✿ خالة مرت أب × زوج أم ( مين أصعب ؟ )
زوج أم
▂▂▂▂
✿ هشام حمامي × محمد مغربي
مغربي
▂▂▂▂
✿ محمد خير × محمد وكاع ( بمسابقة طبية، مين بيتفوق ؟! )
وكاع
▂▂▂▂
✿ المال × الحب
الحب▂▂▂▂
✿ الوداع كل فترة × فراق أبدي
الوداع كل فترة
▂▂▂▂
✿ زواج الأقارب × بعيد عن الأقارب
بعيد عنك حياتي عذاب
▂▂▂▂
✿ الفلافل × الشاورما
الشاورما
✿ زهير جمعة
زهير شخص طيب بتعامله مع الناس, بس بيخاف يعترف بالخطأ
▂▂▂▂
✿ أحمد صياح
أحمد الصياح زلمة مجتهد, و لكن عنيد و لا يقبل الانتقاد بسهولة
▂▂▂▂
✿ نذير ابراهيم
نذير ابراهيم شخص عرفان كيف يشتغل, بس ما عنده يا أمي ارحميني
▂▂▂▂
✿ مظهر الجاسم
مظهر ابو قلب أطيب من العسل, و ذكي جداً و شاطر, بس مو عرفان قيمة نفسه و هاد خطأ بحق نفسه
▂▂▂▂
✿ ربى الجهماني
بيعجبني بربى تعاملها اللطيف, بس خويفة
▂▂▂▂
✿ مرام سليمان
مرام بنت طيبة الله يوفقها
▂▂▂▂
✿ أحمد الجنادي
جنادي فاجئني بمستواه و سرعة بديهتو, و بتمناله يشتغل عحالو أكتر و أكتر, و شايفلو مستقبل بااااااهر
▂▂▂▂
✿ محمد وكاع
أبو وكاع قطعة الـ puzzle اللي بتكملني
▂▂▂▂
✿ جمال حوري
جمال طيب و بيعرف مصلحته بس تنقصه الجرأة و الله يوفقو
▂▂▂▂
✿ أحمد أبوقورة
أبوقورة تسلملي عينو, أحلى زلمة, لازم يخفف سوداويته شوي و ينطلق لأنو مبدع
.
.
ليست هناك تعليقات :
اضافة تعليق