لربما اقترنت كلمة الهُدوء والصمت به ، الحكيم في صمته وفي علمه .. والطالب الغامض الذي يصعب جداً أن تُبحر في مُحيط أفكاره من جلسة أو اثنتين .
حلقة جديدة من برنامج ( بصراحة ) يطل علينا بها محمد صلاح الوكاع ، الحائز على المرتبة الثانية علمياً في كلية الطب البشري للسنة الخامسة المُنقضية والذي يُخفي كثيراً من الإجابات على علامات إستفهام تُطرح حول شخصيته .
فبين السر وراء الصمت الذي يُخيم عليه ، وبين موقع إعراب الحُب في حياة محمد .. وقصة الصداقة المتينة التي تربطه بمحمد خير والمزيد ، فعلى بركة الله نبدأ ..
✿ مرحبا محمد ، في مجال تعرفنا على حالك أكثر ؟
انا محمد الوكاع من مدينة البوكمال بريف دير الزور ولدت وتربيت هنيك واخدت شهادتي الثانوية من هنيك ودخلت الجامعة سنة ٢٠٠٩
✿ الصمت اللي بيخيَّم غالباً على محمد الوكاع .. هل وراءه حزن أم حب للهدوء .. ام ماذا ؟
صمتي هو حب للهدوء وحب للتكلم في الوقت المناسب بالكلام المفيد بعيدا عن اللغو
✿ البنت اللي بتتمنى بالمستقبل تكون شريكة أحلامك ، شو مواصفاتها ؟
شريكة حياتي بحب تكون ست بيت شاطرة ومرتبة لاني مهووس ترتيب ونظافة ، بشترط فيها الدراسة بس مو شرط لدرجة عالية
✿ ايمتا السن المناسب للزواج برأيك سواءً للشب أو للفتاة ؟
سن ٢٥ انسب سن اشوفو للزواج يكون صار نضج ومعرفة منيحة بالحياة
✿ محمد يمكن عنده استعداد يقرأ في الطب 24 ساعة يومياً ، لكن هل لدى محمد هالرغبة بقراءة كُتب ثقافية بعيداً عن الطب ؟
بحب اقرا روايات وكتب تنمية بشرية
✿ متل شو كتب قريتها وراقت لك ؟
شيفرة دافنشي ، الرمز المفقود ، الحب في زمن الكوليرا ، كتب التنمية مثل كتاب عقلك الباطن
✿ مين أقرب 3 طلاب من الدفعة لك بعيداً عن محمد هيكل ؟
احمد الصياح وزهير جمعة وعبد المسيح يعقوب
✿ لو كنت بسفينة رح تغرق ، مين راح تنقذ بينهم ؟
أحمد الصيَّاح
✿ كيف بدت صداقتك مع محمد هيكل .. احكيلنا شوي عن صداقتكم ؟
بعرفو لخيرو من وقت كنا سنة تانية بس شدت صحبتنا بالسنة الرابعة اجتمعنا على هدف واحد وهو نكون من انجح الاطباء من خلال الفهم والبحث عن المعلومة ، صداقتنا بتجتمع فيها الاخوة مع شغف العلم والقراءة بثبتو ايام الامتحانات والتوتر وهو الو نفس التأثير علي وبشكل كبير
✿ كيف علاقة محمد مع الصلاة ؟
الصلاة معيار بقيم فيها مستوى حياتي يعني وقت بقصر احيانا فيها بفوت بالف حيط والحمد لله متلزم فيها لحد كبير
✿ إذا قلتلك حط 3 أهداف تتمناها ( دُنيوياً ) .. فـ شو رح تكون ؟
اهم هدف بحياتي اني اوصل لمرحلة استشاري بطب القلب
✿ احكيلنا موقف محرج مريت فيه ؟
الموقف المحرج بحياتي كان مع بنت دكتور البيولوجي بالسنة الاولى حكيت عليه قدامها وما بعرف انها بنتو
✿ شو الشي اللي ممكن يخلي عين محمد تذرف دمعة ؟
اكتر شغلتين بيخلوني ابكي هو وقت بتزعل والدتي والموقف التاني اني شوف مريض ما بقدر قدملو شي
✿ محمد انت من الناس اللي قليلاً ما تُشاهدهم مع جنس حواء ، هل هو خجل ؟ التزام ؟ أم نفور ؟
ابتعادي عن جنس حواء هو خجل ، وبنفس الوقت بعد عن المشاكل بسبب مزاجية معينة بتعامل فيها ما بتتناسب مع اي حدا
✿ الزواج أو الخطوبة أثناء فترة الدراسة ، رأيك فيها بإيجاز ؟
الزواج اثناء الدراسة مسؤولية كبيرة اللي بيشوف حالو قدها يبعد كل البعد لانو تهور
✿ اديش بتقعد قدام المراية قبل ما تطلع من البيت ، هل بتهمك نظرة الناس لذوقك باللبس وشكلك ؟
بهتم كون انيق ولكن مو لدرجة يكون هاد همي الاول ، قدام المراية بوقف ربع ساعة بكون غسلت وشي وفرشيت سناني ومشطت سعري قبل ما اطلع .
✿ ممكن تقبل تتزوج إنسانة بتشتغل فقط لتقديم المساعدة لك بمصروف البيت ؟
ما بقبل اتزوج وحدة بتشتغل لتحط مصروف عالبيت
✿ شو موقع الحُب في حياتك ؟
الحب بحياتي الو مرتبة اولى ولكن بشروط معينة مثل أنَّه بيلهيني عن صلاتي ودراستي
✿ هل ندمت على شي قرار اتخذته بحياتك ؟
قبل ما اتعامل مع اي شخص بحاول اعرف عنو كتير شغلات قبل ما اتعامل معو بندم اني تعاملت معو بعد ما اكتشف انو مصلحجي
✿ طبيب قلبية والتدخين ، انت بنفسك بتقول هذا تناقض ، هل تحاول التغلب عليه ؟ ط
حاولت كتير الابتعاد عن التدخين بس للاسف فشلت بس انا واثق اني رح اتركو قريبا
✿ محمد والقلبية شغف لأبعد الحدود ، ( لو لا قدر الله ) ما طلع لك الاختصاص الذي تُريد ، ما هو خيارك الثاني وهل أعددت له علمياً ما تُعده للقلبية ؟
الخيار الثاني بعد القلبية هو الهضمية
✿ رأيك بتعدد الزوجات ؟
تعدد الزوجات لازم يكون فيه استطباب طبعا هاد رأي شخصي مو فتوة
✿ شفت قطعة مميزة بالسوق على بسطة ، ممكن تاخدها ولا بتخاف من الحكي وانه لازم تشتري من محلات ماركة ؟
بشتري من البسطة وما عندي ادنى مشكلة
✿ الأكل المنزلي × الوجبات السريعة
الأكل المنزلي
✿ الشقراء × السمراء
الشقراء
✿ النحيفة × ذات الصحة ( المعباية )
المعباية
✿ أيهما أصعب ، زوجة أب أم زوج أم ؟
زوج أم
✿ مغربي × حمامي
مغربي
✿ للمشاركة بمسابقة طبية .. صيَّاح × خيرو
خيرو
✿ مُحب × محبوب
محبوب
✿ ما بتنسى | فرحة حقيقية × حزن حقيقي
حزن حقيقي
✿ حب ثم زواج × تزوج والحب بيجي بعدين
حب ثم زواج
✿ النقاش للإقناع × قول له إي وضحاك عليه
النقاش للاقناع بعيدا عن الجدال كل البعد
✿ العلم × الدين
الدين يساوي العلم لا تضاد بينهما
✿ الحلويات × الموالح
الموالح
✿ الفلوس × الشهرة
بحب الشهرة لحد معين
✿ محمد هيكل
بيعجبني ضميرو الصاحي وشغفو بالعلم
✿ زهير جمعة
انسان طيب وبيحب يتعلم ولكن ينقصه بعض الترتيب والتوجيه
✿ بلقيس
انسانة مؤدبة ومحترمة يتزعجني مزاجيتها
✿ مظهر الجاسم
ذكي بس ما بيعرف قيمة نفسه
✿ لورانس يونس
للمرح عنوان تنقصه الجدية في بعض الاحيان
✿ صبحي علولو
إنسان طيب ولكن له بعض التصرفات غيرر المفهومة
✿ هشام حمامي
بحس معو كاني مع والدي له نفس طريقة الكلام والنصيحة
✿ تعقيب | اخترت مغربي ع حساب حمامي ، ورأيك بيقول انه بتعتبر حمامي كأنه أب ، لأي درجة معناتا بتقدر مغربي ؟
مغربي علميا بيقنعني اكتر
✿ سعد الفرطوسي
اكثر دكتور بتمنى ضل معو لاطول وقت ممكن بحبو من قلبي
✿ علي جوابرة
انسان لطيف ومذوق بس لو ما بيتذمر وبتمنى يكون عنده صبر
✿ جمال حوري
يمتلك شخصية الطفل ينقصه بعض قوة الشخصية
✿ أحمد أبوقورة
.
.
ليست هناك تعليقات :
اضافة تعليق