يُقال .. إذا أردت الحياة فعليك أن تبتسم .. ولكن إذا كان عليك أن تبتسم .. فعليك أن تتعرف على الضيف الإستثنائي لحلقتنا لهذا اليوم من برنامج بصراحة .
الإنسانة التي اتخذت قاعدة ( ابتسامتك سر قُبولك ) .. فلم تُغادرها الابتسامة ومثلت دوماً مصدر تفاؤل وفرح بين طلاب الدفعة نتيجة ضحكتها التي تدعو للجميع بأن يتذكر .. هي مُجرد حياة ، فاضحك وابتسم وتذكر ( مروة هنا )
مروة تعيش اليوم بكل ما تملك ، فشعارها ( غداً قد لا يأتي ) .. فمن هم أقرب أصدقائها في هذه الدفعة ؟ ما قصتها مع السفر وحيدةً والعمل ؟ كم تقف أمام المرآة قبل أن تخرج من المنزل والمزيييد .. في مقابلةٍ جديدة وحلقة مُميزة من بصراحة .
.
.
✿ مرحبا مروة .. في مجال تعرفينا عن حالك أكثر !؟
انا مروة هنا عمري ٢٦ بعيش اليوم كأن ما في بكرا وعايشة لانبسط
✿ هل دخلتي كلية الطب عن قناعة ؟ إذا بيرجع فيكي الزمن بتغيري التخصص ؟
انا دخلت طب عن قناعة اكيد وما بغير الإختصاص ابدا!
✿ شو أكثر شي ندمانة عليه بحياتك ؟
بندم اني وقفت سنتين الدراسة بصراحة، ما بتحس بالشي غير لتفقدو وانا فقدت وقت
✿ ما هي أكبر مخاوف مروة ؟
اكبر مخاوفي اني عيش مو مبسوطة والفشل
✿ كم شب أثناء مسيرتك الجامعية صارحك بإعجابه أو حُبه ؟
ممممم يمكن شي ٨ شباب
✿ عشتي شخصياً شي قصة حب أثناء الدراسة سواءً المدرسية أو الجامعية ؟
ايه عشت حب اكتر من مرة
✿ 3 أحلام تضعها مروة كهدف لها في الحياة ؟
احقق ذاتي، انجح في العمل والحياة العائلية سوا، يفتخر اولادي بي
✿ في شي حدث بحياتك مُستحيل تنسيه أبداً ؟
كتير شغلات مستحيل انساها ، يمكن اهمها أول مرة سافرت مستقلة
✿ عادي إذا حكيتيلنا عن هالتجربة ؟
✿ هل بتتابعي مسلسلات ؟ إن كان نعم عربي أم أجنبي واحكيلنا شو أفضل شي تابعتيه ؟
بتابع مسلسلات اجنبي كتير Greys Anatomy. The Vampire Diaries. Suits. The Originals
✿ شو في كمان مسلسلات تابعتيها ، وشو هو الأفضل ؟
elementary
Gossip girl
Breaking bad
friends
how i met ur mother
House
بس المفضل عندي greys anatomy مع ان الكاتبة بتضل تحطمنا وبتورجيك ان الحياة ابذا مو عادلة....بس بتورجيك الحقيقة
✿ موقف مُحرج .. وآخر مُبكي مروا بحياة مروة ؟
محرج.....هههه غنيت على الميكروفون غنية كاملة غلط بحفلة، مبكي....وفاة والدتي
✿ أقرب 3 طلاب لك بالدفعة ؟
رافي ، أنس ، لورانس
✿ مين بتختاري منهم ليكون الأقرب الك ؟
✿ ما هي أكثر صفة تكرهها مروة من شخص تتعامل معه ؟
بكره الكذب
✿ رأيك بالتدخين ؟ وهل بتتفقي مع القائل بأنَّ التدخين للرجل خطيئة وللمرأة أم الخطايا ؟
هههه التدخين حرية شخصية انا من ناحيتي بأركل كتير، المرأة مثل الرجل لا فرق
✿ شو هي أسوأ عقوبة تعرضتي لها من والديكي أثناء طفولتك ؟
الصمت.....لما بيعاقبوني ما بعودو يحاكوني
✿ كيف علاقتك مع شغل البيت بالمجمل ؟
هههه انا ست بيت صدقني
✿ البنات معروفين بهوسهم بالوقوف أمام المرآة قبل الخروج من المنزل ، كم الوقت اللي بتاخذيه لتزبطي حالك قبل المشوار ؟
3 دقائق ، المظاهر آخر همي يلي بيحبني بيحبني ع طبيعتي
✿ بلد عربي آخر أجنبي بتتمني تزوريهم بأقرب فرصة ؟
بلد عربي دبي مشان الأقارب....اجنبي المانيا تحديدا ميونخ لأنها اجمل مدينة
✿ مين أصعب .. حب من طرف واحد أو حب من طرفين انتهى بانفصال ؟
حب من طرف واحد
✿ شو الشي اللي ممكن يخلي عين مروة تذرف دمعة ؟
العجز
✿ شو هو العيب اللي بتتمني تتخلصي منه بشخصيتك ، بالمقابل شو هو الشي اللي انتي فخورة أنه موجود بشخصيتك ؟
انا شخص صادق ما بتغير....بتمنى غير قراراتي المتسرعة
✿ مين هو بيت سرك ؟
بيت سري ديما بنت خالتي واختي
✿ شو هو أول شي بيجذب نظرك بشخص تعرفتي عليه جديد ؟
ابتسامته وأسنانه
✿ حكمة تؤمن بها مروة في حياتها ؟
عيش اليوم كأن ما في بكرا
.
.
✿ المدرسة × الجامعة ( مين أجمل )
الجامعة
✿ الواقع × الحلم
الواقع
✿ التفاؤل الكاذب × التشاؤم الصادق
التشاؤم الصادق
✿ تحبي × تنحبي
تحبي
✿ الحزن × الفرح ( ما بتنسي ؟ )
الحزن
✿ عادل إمام × دريد لحام
دريد لحام
✿ تكسب نفسك وتخسر من تحب أم تخسر نفسك وتكسب من تحب ؟
تكسب نفسك وتخسر من تحب
✿ فرحة وحزن × فرحتين وحزنين
فرحتين وحزنين
✿ تضحي من أجل الآخرين × أن يضحي الآخرين لأجلك
أضحي من أجل الآخرين
✿ خالة مرة أب × زوج أم ( مين أصعب ؟ )
خالة مرة أب
✿ نذير إبراهيم × هشام حمامي
نذير إبراهيم
✿ هوليوود × بوليوود
هوليوود
✿ المال × الحب
الحب
✿ زواج الأقارب × بعيد عن الأقارب
بعيد عن الأقارب
✿ أخ أكبر × أخت أكبر
اخت أكبر
✿ الفلافل × الشاورما
الشاورما
✿ النوم بكير × السهر
السهر
✿ الوداع كل فترة × فراق أبدي
الوداع كل فترة
✿ برشلونة × ريال مدريد
بايرن ميونخ ههههه
✿ تتزوجي اللي بتحبيه × تتزوجي اللي بيحبك
بتزوج يلي بيحبنيبايرن ميونخ ههههه
✿ تتزوجي اللي بتحبيه × تتزوجي اللي بيحبك
✿ أنس الحريري
انس شخص مهضوم مسلي وكفو ومعك عالحلوة والمرة....الحياة بتدعكو بس هو مقرر يطنشا....لو بشد على حالو شوي بأنتج كتيييير بس هو بدي يعيش على مهلو وحقو الطبيعي! هههه نيالك
✿ رافي واصل
رافي من اقدم رفقاتي....مزاجي....مجنون بس بحب الشخص بجنون....عندو منو ومن حالو....ايه زير النساء هههه بس عقلو بالدرس شغلة....منيح بلش يشغلو
✿ ندى محمد
ندى بنت من جوا بتجنن! بس بدك مين يشوف جوا....هي مزاجية وانا متفهمة....عندا روح التملك بس هاد شي طبيعي....بحبا لأنها جريئة....بس اذا زعلت....صعب تراضيها!
✿ لورانس يونس
لورنس يمكن من اكتر الناس بيتعب على حالو وبيبذل جهد بس حظو لسا ما اجا....هاد الشخص بيعطيني دفشة بالحياة....دايما بحفزني اشتغل اكتر....بس عندو لحظات....بيطوش
✿ جمال حوري
جمال بحترمو....على عيني بين الشباب والله....تربايتو واضحة عليه....عندو كم هائل من العلم بس تلبكو بروحو عليه....هو شخص بيعطيني راحة
✿ زال خليل
زال سويعاتي هههههه بس موهوب....بحسدو ان عندو موهبة تريحو....قريب عالقلب بدون ما تعرفو....اهم شي ان بيشوفك لشخصك بس مو لشي تاني
✿ زهير جمعة
زهير الله يعينو....والله صعبة يعيش هالبعد عن اولادو....بس اجمل شي في ان مانو اناني....خصوصا بمعلوماتو....بدعيلو الله يرجعو لعيلتو عن قريب
✿ محمد المغربي
محمد المغربي....ما في وصف....استاذي....متل والدي واخي بنفس الوقت. بحترم ان هو بيحترم المواعيد....معلوماتو رائعة ولكن إلقاءه يلي بخليك تضل مركز...بتمنى يوم من الأيام صير متلو
✿ سعد الفرطوسي
الدكتور سعد....موسوعة متنقلة ما شاء الله عليه ومهضوم! احلا شي كيف بغيرلك جو بالمحاضرة بتشبيه من شي مسلسل....بشوف في صديق
✿ براء مرعشلي
براء هو الصديق يلي ما بشوفو....قليل لحاكي....بس عنجد صديق! لك وينك انت؟؟؟ هههه بقدر ظروفو بدون ما اعرفها وبحب دايما ساعدو
.
.
ليست هناك تعليقات :
اضافة تعليق